¿Chuuwaa nntsa' cha na nnda̠a̠ ncw'ua' nda̠a̠luee? ¡Macanna' na nncwjei' na chjen'na'! Xuee je' mawentyee nom cwiliu nn'an chiuuwaa nnda̠a̠ nncwjei' ts'an na chjen' ndaa ndaaluee. Cwi nnom na jeen ya jo' na nncwil'e chom ñequioom' cha na nnda̠a̠ ncwjei' ts'an na chjein' ndaa ndaluee.
Luaa ya nluii cha na nlui' na chjen' ndaa ndaaluee: xeen na nntiom ts'an ndaa ndaluee ts'om tampo ndo' nlco' ts'an tampo'ñeen' naquii' cwii w'aa cha'xjen yuuna quiinoom' nn'an ta̠nda, na ta̠ñ'en jo' ñequio tsomcajñeen (invernadero) cha na ñequioom' catseiiwiñe ndaa 'ñeencha na cats'aana' teiin xquen w'aañ'een ndo' tiyochen' nnts'aana' cwii ndaalua' chjoo jojo', ndaalua'ñ'ee ya nnc'uu ts'an juunan' ee tachjen'nan'.
Ndyiicwan cwila'naanti nn'an chiuuwaa nndaa nlui' na chjen' nda̠a̠ ndaaluee cha na cjeeti nndaa nnwiil'ueeñen ts'an juunan'. Mati cwil'uee'ndye nn'an chiuu nnda̠a̠ wjaa ndaa na maya nnc'uu ts'an njoom yuu na macanna' ndaa sa̠a̠ na ticwits'iaan tsjoomnangue cantyja na wjaa ndaa'ñeen. Luaa cwii nnom na nnda̠a̠ nnteijndeiinan' njoom yuuna jndo' ndaa.